براونيز

المقادير :

¾ كوبايه دقيق / ½ كوبايه كاكاو و م كبيره / ¼ م ص ملح / ½ كوبايه زبده / 1 كوبايه سكر / 3 بيضات / فانليا / 2 م ك لبن ( حليب )

شيكولاته قطع و سوداني مجروش أو بندق

الطريقة:

1-    حنضيف السكر و الزبده و نضربهم لحد ما الخليط يبقي كده.

2-    حنضيف البيض و الفانيليا و نضربهم سوا.

3-    حنضيف الدقيق شويه و كاكاو شويه لحد ما المقدار يخلص.

4-    حنضيف الحليب.

5-    حنضيف المكسرات و الشيكولاته و نقلب …… خدي بالك الخليط حيكون أتقل شويه من الكيكه العاديه.

6-    حنحطه في صينينه و حيكون مش سميك زي كده.

7-    نسويه في فرن متوسط لمده 25 / 30 دقيقه أنا استوي عندي في 25 دقيقه .

8-    نستني لما يدفا و نقدمه مع أيس كريم ( أنا بجيب فايف مينتس أيس كريم بودر و أعمله ) و التزيين اللي يعجبك.