اكلات مصريه رمضانية (بطاطس بالبشاميل والفراخ)

المكوّنات

• حوالي 3 حبات بطاطس حجم متوسط متقطعة حلقات
• ملح
• و فلفل اسود
• و بابريكا
• وبهارات لحمة
• زيت
• مكعبات بصله متوسطه متقطعة
• فلفل أخضر
• 2 صدور فراخ مكعبات
• صلصه
• 3 فصوص ثوم
• صوص البشاميل
• 2 ملعقه كبيره سمنه
• 2 ملعقة كبيره دقيق
• 2 كوب لبن
• وكوب وربع ماء او شوربه حسب المتوفر
• جبنة موتزاريلا
• الخطوات
• الخطوة 1 / صينيه ونحط فيها البطاطس بعد تقطيعها لحلقات ووضع ملح وفلفل وقليل من الزيت عالبطاطس وندخلها فرن ساخن على درجه حراره 180 لمده 20 دقيقه ونخرجها بعد كده
• الخطوة 2 / نعمل شاورما فراخ بنجيب طاسه وفيها قليل من الزيت او السمنه وننزل ببصله متوسطه مكعبات والفراخ المتقطعه مكعبات و عليها فلفل أخضر وملح وفلفل اسود ورشه بابريكا ومعلقه صلصة وتأخذ نص تسويه على النار مش نسيبها لغايه ماتنشف علشان لسه هتدخل الفرن
• الخطوة 3 / نعمل صوص البشاميل ملعقتين سمنه كبيره وننزل عليهم بالدقيق لغايه اما يتحمر الدقيق وبعد كده نضيف اللبن والمياه او الشوربه حسب المتوفر وملح وفلفل اسود
• الخطوة 4 / نحط شاورما الفراخ عالبطاطس ونحط في الاخر طبقه البشاميل وعالوش جبنة موتزاريلا وتدخل فرن ساخن على درجه حراره 180 حوالي ساعة او لغايه ما الوجه يحمر وبالهنا