سمك سنجارى ماكريل على البوتاجاز بدل الفرن مع ارز بالجزر والبصل

المكوّنات

• 2 سمك كبير / صينيه
• 1/2 ك ارز
• 3 م ك زيت
• 4 حبات طماطم وسط مع جزرة كبيرة
• 5 فلفل رومي
• 3 بصلة متوسطه
• 4 حبات بطاطس وسط
• ملح وفلفل اسود وكمون وكزبرة ناشفه و بهارات سمك وليمون
• فنجان زيت مع خمس أو ست فصوص ثوم

الخطوات

1. نجيب السمك ونضفه ونغسله كويس بملح ودقيق ونشيل الرأس ونفتحه فتحات
2. نقطع كل من البصل والطماطم والفلفل على جوليان استخدمت اتنين بصلة فقط
3. ونرص بالصينيه البصل والفلفل والطماطم بس هنشيل منها نص طمطماية ونحط جزء من الجزر المبشور والبطاطس
4. البطاطس يتم تقطيعها إلى شرائح سميكة ونبشر الجزرة ونأخذ جزء منها لان الباقي هنضيفه لحاجات تانية ونضيف ملح وفلفل اسود و بهارات سمك ونقلبهم فى بعض
5. نعمل تتبيلة السمك حطيت الثوم وجزء من الجزر المبشور مع الطماطم و الفلفل رومي او حامي اضافى اختيارى وملح وكمون و بهارات سمك كل ده رشة منه مع عدا الملح يتظبط حيائه وليمونه نعصرها ونحطها فى السمك المفتوح ونحشيه
6. ونضيفه على صينيه الخضار ونرصه ونحط الزيت ونحط رشة من بهارات السمك وعلى البوتاجاز ونغطي الصينية من فوق عشر دقائق على نار عالية وبعدين نهدي النار يستوى مش هياخد تلت ساعه
7. نغسل الارز ونصفيه ونضيف معاه البصل المتبقي والجزر ونقلبهم شوية ونضيف الملح والمية علشان يستوي