طريقة عمل جلاش اقتصادي بالجبنه والبسطرمه

المكوّنات

1. لفه جلاش
2. جبنة قريش او اي نوع عندك في الثلاجه انا كان عندي جبنة قريش ورومي
3. بسطرمه على حسب الرغبة
4. معلقتين سمنه
5. كوبايه لبن
6. بيضة

الخطوات

1. نحضر صينية ويتم دهنها بالسمنه. ونضع اول ورقه من الجلاش وبين كل ورقه ورقه دهنه سمنه بالفرشه
2. بعد مانضع 4 ورقات بينهم دهنه سمنه نضع الجبنة زاي الصوره
3. وبعدين البسطرمه
4. وبعدين نضع باقي الطبقات 4 فقط..عدد الطبقات تحت زاي عدد طبقات فوق علشان ماتبقاش سميكه
5. ويتم تقطيعها حسب الرغبة ويتم دهن الوجه بالسمنه
6. تدخل فرن سخن رف وسط اول ماتحمر من تحت نخليها شوايه تأخذ وجه فوق بسيط علشان لسه هنحط اللبن والبيض
7. نجيب كوب اللبن ونحط عليها البيضه ونقلبهم مع ملعقة صغيرة فلفل اسود وملح بسيط ونقلبهم حلو
8. اول ماجلاش ياخذ لون ذهبي يسيط نحط كوب اللبن اللي عليها البيضه ونخليها تتوزع حلو في الصينية ودخليها يجي دقيقه من تحت تاني واول ماتلاقيها اتنفخت كدا والجلاش شرب اللبن والبيض نديها وجه من الشوايه لغيه ماتبقي ذهبي
9. والف هنا والشفا