طريقة عمل أكلة رولات الدجاج بالموتزاريلا

رولات الفراخ سهله و مش مكلفه و حاجة تغير.

المقادير :

نص كيلو بانيه

جبنة موتزاريلا أو شيدر

ملح

بابريكا

فلفل

كاري

قرفه

دقيق

بيضه

بقسماط للتحمير.

الطريقه:

1-     نجيب كيس بلاستيك و نحط شريحة البانيه بينه و ندقها بمدق اللحمة لحد ما تكون رفيعه.

2-     نجيب ورق الومنيوم و نقطع زي الصورة و نحط البانيه و نرش ملح و فلفل و نحط الجبنة و نلفها و نقفلها كويس .

3-    نغلي ميه و نسقطهم فيها لمده ¼ ساعه .

4-    نشيلها من الميه و نفتحها و نأخد بالنا حيكون فيها ميه.

5-    نحضر الدقيق و نحط ملح و فلفل و باقي البهارات و نحضر بيضه و بقسماط.

6-    نغمس الرول في الدقيق ثم البيضه ثم البقسماط.

7-    نحطها 10 دقايق في الفريزر و بعد كده نقليها.