طريقة عمل الكباب المصري

هي وجبة غدا وممكن تتاكل لوحدها او بالرز بالشعرية

المكوّنات

1. 1/2 كيلو لحمة مفرومة
2. كيلو وربع رز
3. خضرة محشي (شبت وكزبرة بقدونس)
4. 3 بصلات متوسطة
5. من2 ل 3 بطاطس
6. كيلو طماطم

الخطوات

1. اول حاجة اغسلى الرز كويس وسبيه ينشف خالص من الماء
2. وبعد كده الطماطم شيلى منها ٢ او ٣ والباقى اعملى بيه صلصة متسبكة عادي
3. الكباب: افرمى بصلة والخضرة في الكبة وبعدين اخلطيهم باللحمة كويس
4. وبعدين ارجعى افرميهم ثاني في الكبة علشان اللحمة متلزقش معاكى
5. وضيفى بقى التوابل حسب الرغبة: ملح، فلفل اسود، كزبرة ناشفة، ثوم بودر
6. اخلطى اللحمة في الرز كويس وبعد كده املئ الكبة بجزء من الخليط لو صغيرة ولو كبة كبيرة خدى مقادر كباية ونص واطحنيه وبعد كده حطيه على باقي اللحمة وصبعيها حجم متوسط متبقاش صغيرة زى الكفتة العادية ومتبقاش كبيرة
7. هاتى حلة كبيرة بعد ما تخلصى الكمية كلها قطعى فيها بصلة والبطاطس والطماطم اللي اتشالت من الكيلو حلقات ورصيهم في الحلة من تحت البصل وبعدين بطاطس وبعدين طماطم وبعدين بطاطس ثاني وبعد كده رصى الكباب زى ما بترصى محشي الكرنب (الملفوف)
8. هتجيبى الصلصة اللي اتسبكت وتزوديها ماء او شوربة لو موجودة واغليها ولما تغلى حطيها عالكباب لحد ماتغطيه كله من فوق زى المحشى بس زودى ماء علشان الرز هيشرب ماء حطى الحلة على نار عالية لحد مايغلى وبعد كده وطى عليه وتابعيه كل شوية علشان ميتهريش فالنار والف هنا وشفا