طريقة عمل صينية بطاطس باللحمة

المكوّنات

1. كيلو لحم مكعبات
2. لسلق اللحمة:
3. فلفل إسود
4. ورق لورا
5. حبهان
6. زنجبيل شرائح
7. بصلة متوسطة
8. 1/2 كيلو بطاطس
9. 3 حبات طماطم
10. 3 حبات فلفل رومي
11. فلفل حامي إختياري
12. شرائح بصلة وسط
13. توابل :
14. نصف ملعقة صغيرة فلفل اسود
15. نصف ملعقه بابريكا
16. نصف ملعقه كزبرة
17. نصف ملعقه ملح
18. رشة ثوم بودرة
19. ربع ملعقه كمون
20. 3 فصوص ثوم مفروم (ما يعادل ملعقة صغيرة)
21. زيت ذرة أو زيت عباد الشمس

الخطوات

1. 1نسلق اللحمة عادي جداً ونضيف التوابل (فلفل اسود – ورق لورا – حبهان – زنجبيل – بصلة متوسطة).ونضيف الملح ف اخر التسوية..
2. نجهز البطاطس.. ف طبق عميق نضيف (طماطم مقطعة – فلفل رومي شرائح- بصل شرائح – واختياري نضيف فلفل حامي).وبعدين نتبل (فلفل اسود – بابريكا – كزبرة – ملح – ثوم بودرة – كمون) ونقلب كويس مع الخضار وبعدين نضيف (شرائح البطاطس) وملعقه الثوم… ونقلب..ونضيف ملعقتين زيت زيتون..
3. ننقلهم ف صينية ونضيف ٢ كوب من شوربة اللحمة.. وعلى نار هادئة لحد ما البطاطس تستوي تماماً.. نار هادئة جداً ونغطي الصينية..
   لما تستوي نرص فوقيها اللحمة المسلوقه وتدخل تحت الشوايه لحد ما وجهها يتحمر