كيكة السبع ملاعق بالشوكولاتة مع الكريمة وبسكويت أوريو

وصفه سهلة ولذيذة لعمل كيكة الشوكولاتة مع طبقات الكريمة وبسكويت أوريو جربيها أكيد هتعجبك

المكوّنات

 20 دقيقة

 8 أشخاص

• 7 ملاعق كبيرة دقيق
• 7 ملاعق كبيرة سكر
• 7 ملاعق كبيرة زيت
• 7 ملاعق كبيرة حليب
• 2 ملعقة كبيرة كاكاو خام
• 3 بيضات
• 1 ملعقة كبيرة بيكنج بودر
• 1 كيس فانيليا
• 1 ملعقة كبيرة خل
• 1 كيس كريم شانتيه
• 2 باكيت بسكويت اوريو
• 1/2 كوب حليب لنسقي بيه الكيك

الخطوات

1. أولاً احضري الخلاط الكهربائي وحوطي فيه الزيت والبيض والسكر والفانيلا والحليب والخل وأخلطيهم مع بعض كويس جداً
2. احضري طبق عميق ونضع فيه الدقيق والبيكنج بودر والكاكاو الخام وقلبيهم مع بعض كويس
3. وبعد كدة ضيفي الخليط السائل الموجود في الخلاط على الدقيق وقلبيهم مع بعض كويس جداً بمضرب سلك يدوي لحد لما تختفي كل حبيبات الدقيق
4. احضري صينية مستطيلة وإدهني الصينية بالزيت وضعي فيها خليط الكيك ودخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد وبعد كدة اسقيها بالحليب
5. وضعي عليها بعد كدة الكريم شانتيه وساويه كويس
6. وبعد كدة كسري بسكويت الأوريو ووزعيه على كل الكريمة من فوق ودخلي الصينية الثلاجة لمدة نصف ساعة وبعد كدة طلعيها من الثلاجة وقطعيها وقدميها بجد حلوه جداً وميكس الكيك مع الكريمة والأوريو لذيذ جربيها بنفسك وشوفي الجمال واللذاذة