طريقة عمل البيتزا الخطيرة باللحمة

المكوّنات

1. للعجينة:
2. 850 جرام دقيق
3. 2,5 كوب ماء دافئ
4. معلقتين خميره
5. ملعقة ك ملح
6. ملعقة ك سكر
7. 500 جرام لحمة متقطعة جوليان
8. ثمرة فلفل أخضر وأحمر وأصفر
9. بصلة كبيره و3ثمرات طماطم
10. مشروم (فطر)
11. زيتون مخلي(أسمر وأصفر)
12. جبنة موتزاريلا

الخطوات

1. العجينة (نحط الخميرة والسكر والملح على الماء ونسيبهم خمس دقائق وبعدين ننزل بيهم على الدقيق ونعجن ونغطيها بكيس ونسيبها تختمر)
2. نجيب قلاية نحط اللحمة وعليها ملعقة سمنه ونشوحها مع البهارات والملح
3. وبعدين ننزل عليها بالمشروم (الفطر) والبصل ويدوب بس ندبلهم
4. وبعدين ننزل بباقي المكونات(ثمره واحدة طماطم متقطعة جوليان والفلفل كله متقطع جوليان)ويدوب تقليبه واحدة ونطفي النار
5. نحضر صوص الطماطم(نجيب ثمرتين طماطم ونسلقهم كويس وبعدين نشيل قشرتهم ونفرمهم في الخلاط ونحط عليهم ملح وكمون كزبره ناشفة)
6. أما العجينة تختمر نجيب الصينية اللي هنسوي فيها ونفرد فيها العجينة وندهن العجينة بصوص الطماطم
7. وبعدين نفرد الشاورما على العجينة وبعدين الزيتون ونغطي بالجبنه الموزاريلا
8. ونسوي في الفرن على درجة حراره٢٥٠ ،وتقدروا تتفضلوا بألف هنا